وَلِتَصْغَى إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ وَلِيَرْضَوْهُ وَلِيَقْتَرِفُوا مَا هُمْ مُقْتَرِفُونَ ﴿۱۱۳﴾ أَفَغَيْرَ اللَّهِ أَبْتَغِي حَكَمًا وَهُوَ الَّذِي أَنْزَلَ إِلَيْكُمُ الْكِتَابَ مُفَصَّلًا وَالَّذِينَ آتَيْنَاهُمُ الْكِتَابَ يَعْلَمُونَ أَنَّهُ مُنَزَّلٌ مِنْ رَبِّكَ بِالْحَقِّ فَلَا تَكُونَنَّ مِنَ الْمُمْتَرِينَ ﴿۱۱۴﴾

او دی دپاره چه مائل شی دی (دروغوته) زړونه دهغه کسانو چه ایمان نه لری په آخرت باندی اوچه خوښ کړی دوی دا (دروغ) اوچه کوی دوی هغه څه چه کوی دوی همیشه ﴿۱۱۳﴾
ایا پس سیوا د اللّه تعالٰی نه اوغواړم فیصله کؤونکی او اللّه تعالٰی هغه ذات دی چه نازل کړی دی تاسوته کتاب په تفصیل سره اوهغه کسان چه ورکړی دی مونږدوی ته کتاب یقین کوی چه دا قرآن نازل کړی شوی دی دطرف درب ستانه دپاره دحق پس مه کیږه ته دشک کؤونکو نه ﴿۱۱۴﴾

[۱۱۳] دا عطف دی په غروراً باندی اودا ددری وسوسو مقصدونه دی (وَلِتَصْغَى) اصغاء قوی میلان ته وئیلی شی (الَّذِينَ لَا يُؤْمِنُونَ) ایمان بالاخرة په حقیقت کښی منع کوونکی دی دهرباطل پرستئ نه - حاصل ددی دادی چه انسان جاهل اول په زخرف القول سره دهوکه شی نوبیا ورته غوږکیدی اومیلان اوکړی اوبیا ورباندی خوشحاله شی نوبیا هغه عملونو باطلو باندی همیشگیری شروع کړی (مُقْتَرِفُونَ) مرا ددی نه اعمال (شرکیه) اوبدعات دی -
[۱۱۴] دآیت مطلب دادی چه په وخت دمناظری کښی فیصله به په اللّه تعالٰی وی یعنی دهغه کتاب او نیکان علماء هم ددی تائید کوی - دآیت په اول کښی لفظ دقل پټ مراد دی اواستفهام انکاری دی یعنی په وخت دمناظری اوفیصله کښی د اللّه تعالٰی نه سیوا بل حکم نشی منلی کیدلی اوداسی په سورة شوریٰ (۱۰) کښی دی (وَهُوَ الَّذِي) دابیان دحکمیت د اللّه تعالٰی دی یعنی د اللّه تعالٰی قرآن حکم دی اوتفسیرسمعانی کښی وئیلی دی چه مشرکینو د نبی ﷺ مطالبه اوکړه اجعل بیننا و بینک حکماً (زمونږاوستا مینځ کښی حکم مقررکړه) نوجواب اوشو (أَفَغَيْرَ اللَّهِ) سره (مُفَصَّلًا) تفصیل په اعتباردایمانیاتو اوعقیدی سره پوره موجود دی په قرآن کښی (وَالَّذِينَ آتَيْنَاهُمُ) مراد ددی نه نیکان کتابیان دی اوپه دی سره دلیل نقلی اوشهادت دهغوی پیش کول دتاکید دحاکمیت د کتاب اللّه دپاره ددی سورت (۲۰) اوسوره بقره (۱۴۶) کښی داسی شته (فَلَا تَكُونَنَّ) خطاب نبی ته دی اومراد ترینه امت دی -