لَا يُحِبُّ اللَّهُ ۲۳۷ المائدة

وَلَوْ أَنَّ أَهْلَ الْكِتَابِ آمَنُوا وَاتَّقَوْا لَكَفَّرْنَا عَنْهُمْ سَيِّئَاتِهِمْ وَلَأَدْخَلْنَاهُمْ جَنَّاتِ النَّعِيمِ ﴿۶۵﴾ وَلَوْ أَنَّهُمْ أَقَامُوا التَّوْرَاةَ وَالْإِنْجِيلَ وَمَا أُنْزِلَ إِلَيْهِمْ مِنْ رَبِّهِمْ لَأَكَلُوا مِنْ فَوْقِهِمْ وَمِنْ تَحْتِ أَرْجُلِهِمْ مِنْهُمْ أُمَّةٌ مُقْتَصِدَةٌ وَكَثِيرٌ مِنْهُمْ سَاءَ مَا يَعْمَلُونَ ﴿۶۶﴾ يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالَتَهُ وَاللَّهُ يَعْصِمُكَ مِنَ النَّاسِ إِنَّ اللَّهَ لَا يَهْدِي الْقَوْمَ الْكَافِرِينَ ﴿۶۷﴾

اوکه چیری کتاب والو: ایمان راوړی وی اوځان ئی بچ کړی وی دگناهونونه خامخا لری به کړو مونږددوی نه بدئ‌ ددوی اوخامخا داخل به کړو مونږدوی جنتونودنعمتونوته ﴿۶۵﴾
اوکه دی خلقو عمل اوکړوپه تورات اوپه انجیل اوپه هغه کتاب چه نازل کړی شوی دی دوی ته دطرف درب ددوی نه خامخا خوراک به کړی وی دوی پورته ددوی نه او لاندی دخپو ددوی نه بعضی ددوی نه ډله حق پرسته ده اوډیرددوی نه بد دی هغه عملونه چه دوی کوی ﴿۶۶﴾
ای رسوله: اورسوه ټول هغه چه نازل کړی شوی دی تاته دطرف درب ستانه ، اوکه تا داسی اونه کړو پس نه دی رسولی تاهیڅ پیغام دهغه، او اللّه تعالٰی بچ کوی تالره دخلقو نه ، یقیناً اللّه تعالٰی قدرت نه ورکوی (ستاپه وژلو) قوم کافرانو ته ﴿۶۷﴾

[۶۵] روستو دذکر دعلتونو دترک موالاة نه دعوت دی هغوی ته دحق دین (چه ایمان اوتقویٰ ده) په طریقه دبشارت اخرویه سره (آمَنُوا) صحیح ایمان په اللّه تعالٰی اوپه آخری رسول اللّٰه ﷺ (وَاتَّقَوْا) هغه کفریات او علتونه چه مخکی ایاتونوکښی ذکرشول دهغی نه ځان بچ کول (لَكَفَّرْنَا عَنْهُمْ سَيِّئَاتِهِمْ) کښی دفع دعذاب ته اشاره ده اودسیاتهم نه ټول گناهونه صغیره او کبیره اوناکاره صفات مراد دی -
[۶۶] دادعوت په طریقه دبشارت دنیویه دی اوپه دی آیت کښی دایمان او تقویٰ تعبیرئی په اقامت دکتب الٰهیوسره ذکرکړو ځکه چه اقامت کتب الٰهیه کښی ایمان اوتقویٰ داخل ده او ورسره دعوت او اجراء‌ دقانون الٰهی هم مراد ده اودا روستنی چه داول سره یوځای شی نودنیوی انعامات هم حاصلیږی دامضمون په نورو سورتونوکښی هم دی (أَقَامُوا) مراد داقامت نه تصدیق او عمل کول دی په خپله اودارنگ دهغی جاری کول په نورو خلقوکښی په طریقه ددعوت او جهاد او تحکیم سره (سوال) هرکله چه تورات او انجیل منسوخ دی نودڅه وجی نه په دی کښی دهغوی داقامت ذکراوشو؟ (جواب) مراد دهغی اقامت دی په وخت دنزول اودزمانی دهغوی کښی اودهغی نه روستو په زمانه دنزول قرآن کښی اقامت صرف دقرآن مراد دی (لَأَكَلُوا مِنْ فَوْقِهِمْ وَمِنْ تَحْتِ أَرْجُلِهِمْ) مراد دفوق نه وخت په وخت بارانونه دخیراوبرکت دی ، اومراد تحت نه فصلونه، میوه جات وغیره دی (مِنْهُمْ أُمَّةٌ مُقْتَصِدَةٌ) اقتصاد په عقیده اوعمل کښی دادی چه افراط او تفریط نه وی اوغلوپه کښی هم نه وی -
[۶۷] ددی آیت نه دریمه حصه ده دسورة داختتام پوری په دی کښی دوه بابونه دی اول باب تر (۸۶) پوری دی په دی کښی اول خطاب دی رسول اللّٰه ﷺ ته اوتیزی ورکول دی په دعوت اوتبلیغ باندی اونصاب دتبلیغ دی دپاره دنصاریٰ چه هغه پنځه مسائل دی په دی آیت کښی خطاب دی رسول ته په تاکید ددعوت او تبلیغ سره په دری طریقو سره اول امر (بَلِّغْ مَا أُنْزِلَ إِلَيْكَ) اشاره ده چه نصاب دتبلیغ قرآن او سنت دی مراد ددی نه تبلیغ دټول ماانزل دی په جهر او زړه ورتیاسره اوبغیر دلحاظ دیوتن نه ، او تبلیغ په نبی باندی فرض عین دی اوپه امت باندی په مختلف مرتبو او درجاتوسره دی ، دوهمه طریقه (وَإِنْ لَمْ تَفْعَلْ) نفی ددغی قیوداتو مراد ده یعنی که تبلیغ دِ اونه کړو دټول ماانزل اللّه اولحاظ دبعضی خلقو اوکړو (فَمَا بَلَّغْتَ رِسَالَتَهُ) یعنی ستارسالت قبول نه دی مسئله دی صحیح نه ده رسولی - قرطبی وائی داتادیب دی نبی ﷺ ته اونورو علماؤ ته چه دماانزل (شریعت) نه به هیڅ مسئله نه پټوی، اوقرطبی وئیلی دی دارد دی په روافضو (اللّه تعالٰی دِ دوی اوشرموی) دوی وائی نبی ﷺ دبعضی دوحی نه (تقیتاً) پټ ساتلی دی ، کله وائی چه بعضی علمونه ئی علی رضی اللّه عنه ته خاص بیان کړی دی (لعنة اللّه علی الکاذبین) نودارنگ په دی کښی رد دی په مبتدعینوباندی (وَاللَّهُ يَعْصِمُكَ) دادریمه طریقه ده دتاکید یعنی په تبلیغ کښی هیڅ ویره په تاباندی نیشته ځکه چه اللّه تعالٰی ستاحفاظت کوی (سوال) نبی ﷺ ته په مکه کښی اوپه احد کښی اوپه نورو اوقاتوکښی خو قسم قسم اذیتونه رسیدلی دی نوداوعده څنگه ده؟ (جواب) سورة مائده ددغه اذیتونونه روستو نازل شوی ده - (لَا يَهْدِي) مراد دهدایت نه طاقت ورکول دقتل د نبی ﷺ دی -