وَمَثَلُ الَّذِينَ كَفَرُوا كَمَثَلِ الَّذِي يَنْعِقُ بِمَا لَا يَسْمَعُ إِلَّا دُعَاءً وَنِدَاءً صُمٌّ بُكْمٌ عُمْيٌ فَهُمْ لَا يَعْقِلُونَ ﴿۱۷۱﴾ يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ ﴿۱۷۲﴾ إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ ﴿۱۷۳﴾

او حال (ددعوت کؤونکی) کافرانو په شان دهغه کس دی چه چغی وهی هغه څارووته چه نه آوری هیڅ مگربلنه اوچغه، دوی کانړه دی، چاړاگان دی، ړانده دی پس دوی عقل نه لری ﴿۱۷۱﴾
ای ایمان والو خورئ دپاک حلال هغی نه چه درکړی دی مونږتاسوته ، اوشکرکوئ داللّه تعالٰی که تاسوخاص هغه له بندگی کوئ ﴿۱۷۲﴾
یقیناً‌ حرام کړی ده اللّه تعالٰی په تاسوباندی مرداره اووینه اوغوښه دخنزیر اوهغه شی چه آواز کړی شوی وی په هغی باندی دپاره دنذر دغیراللّه - پس هغه څوک چه مجبوره شو خوراک ته اوچه نه وی زیاتی کؤونکی په بل باندی او نه تیریدونکی دحد نه پس نیشته گناه په هغه باندی ، یقیناً‌ اللّه تعالٰی بخنه کؤونکی رحم کؤونکی دی ﴿۱۷۳﴾

[۱۷۱] دامثال دی مطلب ئی دادی لکه چه څاروی په خبره نه پوهیږی صرف آواز آوری دارنگ دا مشرک تقلید کؤونکی دمشرانو په حقیقت نه پوهیږی چه دوی سره دلیل شرعی شته اوکه نیشته صرف په ظاهردهغوی باندی دهوکه کیږی یادامثال دداعی ددغه کافرانو مقلیدونو دی چه داعی په شان د شپونکی دی اوداکافران په شان د څاروو دی -
[۱۷۲] داخاص خطاب دی پس دعام نه دپاره دشرک فعلی (په حلال اوحرام کښی) اوآیت کښی اشاره ده چه داللّه تعالٰی نعمتونه په صحیح طریقه استعمالول افراد دعبادت دی -
[۱۷۳] په دی آیت کښی ذکر دی دڅلورو محرماتو په باره دخوراک کښی چه په ټولو دینونوکښی حرام دی او رد دی په چاباندی چه ددی حرامو تحلیل کوی اودارنگ په دی آیت کښی رد دی چه په نذر دغیراللّه باندی اشاره ده دغی ته لکه چه مرداره اووینه اوخنزیرحرام دی نودهغی زیات منخته دغیراللّه حرام ده (وَمَا أُهِلَّ بِهِ لِغَيْرِ اللَّهِ) مراد هرهغه شی دی چه اویلی شی چه داشکرانه یا منخته دفلانی ولی یابابا ده نوپه دی کښی ذبح کول په نوم دغیراللّه هم داخل ده - اوچه منخته دغیراللّه په نوم اوکړی نوبیا په بسم اللّه ذبح کولو سره نه حلالیږی - لکه چه مرداره باندی بسم اللّه اووائی نوخوړل هم نه دی حلال - اولفظ دماعام دی حیوان اوغیرحیوان ته (أُهِلَّ) داپه معنیٰ دآواز اوچتولو سره دی په ذبح پوری خاص نه دی (بِهِ) یاپه معنیٰ دعلیٰ ده (لِغَيْرِ اللَّهِ) لام دپاره دتقرب دی اومراد دتقرب نه عبادت دنذرکولو دی - (فَمَنِ اضْطُرَّ) مجبوری د وجی دسختئ دلوږی نه یاپه سبب داکراه دکافرانو اوظالمانوسره (غَيْرَ بَاغٍ وَلَا عَادٍ) باغی نه مراد دحد نه زیات خوړونکی اودعادی نه مراد دملگری برخه خوړونکی - یاباغی طلب گار ددغه حرامو - اوعادی دحدنه زیاتی کوؤنکی په خوراک کښی اودځان سره اوړونکی -